Dövlət Miqrasiya Xidməti Qusar rayonunda səyyar xidmət təşkil  edib

Dövlət Miqrasiya Xidməti Xaçmaz regional miqrasiya idarəsinin xidmət ərazisinə aid olan Qusarda əcnəbi və vətəndaşlığı olmayan şəxslər üçün səyyar xidmət təşkil  edib.

Səyyar xidmətin imkanlarından müraciət edən 59 şəxs  istifadə edib. Onlardan 6 nəfərindən vətəndaşlıq mənsubiyyətinin müəyyən olunması, 7  nəfərdən müvəqqəti, 1 şəxsdən daimi yaşama icazələrinin verilməsi ilə bağlı sənədlər qəbul olunub. 10 şəxsə Azərbaycan Respublikasının ərazisində müvəqqəti yaşamaq üçün icazə vəsiqələri, 18 nəfərə  vətəndaşlıq mənsubiyyətinin  müəyyən olunması ilə bağlı arayış verilib.17 şəxsə isə təqdim etdikləri sənədlərdə çatışmazlıqlar izah edilib, həmçinin DMX-nin funksiyalarına aid olan xidmətlərlə bağlı qanunvericiliklə tələb olunan sənədlərin siyahısı verilib.

Müraciət edənlər səyyar xidmətin təşkilinə görə minnətdarlıqlarını bildirblər.