BMT QAK-ın Azərbaycandakı Nümayəndəliyi DMX ilə birgə təlim təşkil edib  

Sentyabrın 2-də BMT QAK-ın Azərbaycandakı nümayəndəliyi “Şərqi Avropada və Cənubi Qafqazda sığınacaq sistemlərinin keyfiyyətinin artırılması təşəbbüsü” layihəsi çərçivəsində mənşə ölkəsi haqda məlumatlarla bağlı bir günlük təlim təşkil edib. Əvvəlcə BMT QAK-ın və  Dövlət Miqrasiya Xidmətinin səlahiyyətli nümayəndələri giriş sözü ilə çıxış ediblər. Bildirilib ki, təlimin keçirilməsinin məqsədi Dövlət Miqrasiya Xidmətinin qaçqın statusunun müəyyənləşdirilməsi proseslərinə cəlb olunan və sığınacaq axtaran şəxslərlə işləyən əməkdaşlarının potensialını gücləndirməkdən ibarətdir.

Təlimdə mənşə ölkələri barədə müxtəlif mövzularda məruzələr təqdim olunub. Məruzələr ətrafında fikir mübadiləsi aparılıb.

Sonra praktik məşğələ keçirilib və suallar cavablandırılıb.