Regionlarda səyyar xidmətlər davam etdirilir

Ölkəmizin müxtəlif kənd və qəsəbələrində yaşayan həssas kateqoriyadan olan şəxslər üçün müraciətlərin əlçatanlığını təmin etmək məqsədilə Dövlət Miqrasiya Xidmətinin regional idarələri tərəfindən səyyar xidmətlər davam etdirilir.

Naxçıvan regional miqrasiya baş idarəsi və Ağsu, Yevlax, Gəncə, Xaçmaz, Şəki regional miqrasiya idarələri tərəfindən Naxçıvan, Culfa, Şamaxı, İsmayıllı, Kürdəmir, Qobustan, Ağsu, Kürdəmir, Göyçay, Mingəçevir, Bərdə, Tərtər, Yevlax, Mingəçevir, Ağstafa, Xudat və Şəkidə yaşayan sağlamlıq imkanları məhdud şəxslərə növbəti səyyar xidmətlər göstərilib.

Səyyar xidmətlər zamanı Dövlət Miqrasiya Xidmətinin fəaliyyət istiqamətlərinə uyğun olaraq şəxslərə yaşadıqları ünvanlarda müvafiq yaşama üçün icazə vəsiqələri təqdim edilib. Həmçinin vətəndaşlıq mənsubiyyətinin müəyyən edilməsi və müvəqqəti yaşamaq üçün icazələrin alınması (müddətinin uzadılması) ilə bağlı tələb olunan sənədlər qəbul edilib.