Dövlət Miqrasiya Xidmətinin və 7 saylı Bakı “ASAN xidmət” mərkəzinin könüllüləri üçün birgə təlim keçirilib

Dövlət Miqrasiya Xidmətinin dəstəyi və 7 saylı Bakı “ASAN xidmət” mərkəzinin təşəbbüsü ilə “Ölkələrdə miqrasiya və onun sosial nəticələri” mövzusunda maarifləndirici təlim keçirilib.

Miqrasiya könüllüləri və ASAN könüllülərinin iştirak etdiyi tədbir Dövlət Miqrasiya Xidmətinin Miqrasiya siyasəti və hüquqi təminat baş idarəsinin rəisi, III dərəcəli dövlət miqrasiya xidməti müşaviri Vahid Qəhrəmanovun təqdimatında baş tutub.

Tədbirdə “Azərbaycan Respublikasında miqrasiya prosesləri – Konstitusiya və suverenlik kontekstində”, “Müasir immiqrasiya prosesləri”, “Miqrasiya və inkişaf”, “Dövlətlərin bu sahədə idarəetmə mexanizmləri”, “Sosial adaptasiya və inteqrasiya məsələləri” ilə bağlı mövzular müzakirə olunub.

Sonda könüllülər tərəfindən verilən suallar cavablandırılıb, fikir və təcrübə mübadiləsi aparılıb.