newsPhoto

Dövlət Miqrasiya Xidmətinin rəisi Vüsal Hüseynov dördüncü “Yüksəliş” müsabiqəsinin qalibi ilə görüşüb

Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Vüsal Hüseynov intellektual səviyyəsi və idaretmə bacarıqları ilə fərqlənən potensialları üzə çıxaran dördüncü “Yüksəliş” müsabiqəsinin qalibi Şahlar Məmmədovla görüşüb.

 Xidmət rəisi Şahlar Məmmədovu təbrik edib və gələcək fəaliyyətində uğurlar arzulayıb. Bildirib ki, xüsusi hazırlanmış Mentorluq proqramı çərçivəsində qalibin gözləntiləri də nəzərə alınmaqla ona maraq kəsb edən sahələrdə müzakirələr və gələcək idarəçi rəhbər kimi potensialının daha da inkişaf etdirilməsi üçün şərait yaradılacaq. Vüsal Hüseynov, həmçinin rəhbərlik etdiyi qurumun fəaliyyət istiqamətləri barədə ətraflı məlumat verib.

Dördüncü “Yüksəliş” müsabiqəsinin qalibi Şahlar Məmmədov isə öz növbəsində Mentorluq proqramı çərçivəsində yaradılan imkana və səmimi qəbula görə Xidmət rəisinə təşəkkür edərək proqram çərçivəsində gözləntilərini bölüşüb, mentorunun şəxsi təcrübəsindən faydalanmaq istədiyini bildirib.

Qeyd edək ki, “Yüksəliş” müsabiqəsi Prezident İlham Əliyevin 2019-cu il 26 iyul tarixli sərəncamına əsasən, intellektual səviyyəsi və idarəçilik bacarıqları yüksək olan perspektiv rəhbər şəxslərin müəyyən edilməsini, dəstəklənməsini və ölkədə kadr ehtiyatı bankının yaradılmasını təmin etmək məqsədilə təsis olunub. Müsabiqə qalibləri idarəçi rəhbərlər (https://yukselish.az/mentors.html) tərəfindən birillik fərdi inkişaf planı və hər biri 20 min manat məbləğində özünüinkişaf qrantı əldə edirlər.


© 2025 Azərbaycan Respublikası Dövlət Miqrasiya Xidməti
İstifadəçi qaydaları | Məxfilik siyasəti | Bütün hüquqlar qorunur