Azərbaycan Respublikası Dövlət Miqrasiya Xidmətinin Qəbul şöbələrinin (bölmələrinin) bəzi xidmətlərlə bağlı fəaliyyətinə dair ELAN:

Dövlət Miqrasiya Xidməti bildirir ki, koronavirus infeksiyasının (COVİD-19) yayılmasının qarşısının alınması ilə əlaqədar Nazirlər Kabineti yanında operativ qərargahın tələblərini nəzərə alaraq, Xidmətin Qəbul şöbələrində (bölmələrində) çoxlu sayda insanın toplaşmasının qarşısının alınması məqsədilə hazırda bir sıra xidmətlər, o cümlədən əcnəbilərin ölkəmizdə müvəqqəti olma müddətinin uzadılması, müvəqqəti yaşama icazələrinin alınması (uzadılması) yalnız elektron qaydada (https://eservice.migration.gov.az) həyata keçirilir.
Lakin bəzi regionlarda əcnəbilər elektron xidmətlərdən istifadə imkanlarının olmaması səbəbindən elektron qaydada Dövlət Miqrasiya Xidmətinə müraciət edə bilmirlər. Bu hallarda əcnəbilərin ölkəmizdə müvəqqəti olma müddətinin uzadılması və müvəqqəti yaşama icazələrinin alınması (uzadılması) ilə bağlı 20-28 mart 2020-ci il tarixdə Bakı şəhər regional miqrasiya idarəsi istisna olmaqla, Xidmətin regional miqrasiya idarələri üzrə Qəbul şöbələrinə (bölmələrinə) sənəd qəbulu yalnız əvvəlcədən yazılmaqla həyata keçiriləcək.

Əvvəlcədən yazılmaq üçün əlaqə nömrələri:

Digər hallarda isə əcnəbilərin Dövlət Miqrasiya Xidmətinin təqdim etdiyi elektron xidmətlərdən maksimum dərəcədə yararlanmaları xahiş olunur.
Əlavə olaraq, bildiririk ki, rüsum vaxtında ödənildikdən sonra əcnəbilər tərəfindən hazır sənədin bir müddət götürülməməsi heç bir məsuliyyət yaratmır.