Dövlət Miqrasiya Xidməti Zaqatalada səyyar xidmət təşkil edib

Dövlət Miqrasiya Xidməti (DMX) tərəfindən Şəki regional miqrasiya idarəsinin  xidməti  ərazisinə  daxil  olan Zaqatala şəhərində növbəti səyyar xidmət  həyata  keçirilib.

Əcnəbi və vətəndaşlığı olmayan şəxslər tərəfindən  Dövlət  Miqrasiya  Xidmətinə  edilən  bütün növ müraciətlərin qəbulunu yerində  və  operativ  şəkildə həyata keçirmək məqsədi daşıyan səyyar xidmətin imkanlarından 47 nəfər istifadə edib. Onlardan 25 nəfərə Azərbaycan Respublikasının ərazisində müvəqqəti və daimi yaşamaq üçün icazə vəsiqələri, 1 nəfərə iş icazəsi, 8 nəfərə isə vətəndaşlıq mənsubiyyətinin müəyyən olunması ilə bağlı arayış verilib.

Bundan başqa, 2 nəfərdən müvəqqəti yaşama icazəsinin verilməsi, 1 nəfərindən isə Azərbaycan Respublikasının vətəndaşlıq mənsubiyyətinin müəyyənləşdirilməsi ilə bağlı sənəd qəbul edilib. Həmçinin 10 nəfərə vətəndaşlıq mənsubiyyətinin müəyyənləşdirilməsi, müvəqqəti, eləcə də daimi yaşama və iş icazələrinin alınması ilə bağlı müraciət etmək üçün sənədlərin siyahısı təqdim olunub.