Dövlət Miqrasiya Xidmətinin Sərhəd buraxılış məntəqələrində çalışan işçilər üçün ixtisasartırma kursu təşkil edilib

Azərbaycan Respublikası Dövlət Miqrasiya Xidmətinin Sərhəd buraxılış məntəqələrinin miqrasiya şöbələrində çalışan işçilər üçün ixtisasartırma kursu təşkil edilib.

Təlimin keçirilməsində məqsəd miqrasiya orqanları əməkdaşlarınıın peşə hazırlığının və ixtisaslarının artırılması, əldə edilən biliklərin və vərdişlərin gündəlik iş prosesində tətbiqi və iş keyfiyyətinin yüksəldilməsidir.

Kurs çərçivəsində dinləyicilərə ““İnzibati icraat haqqında” Azərbaycan Respublikasının Qanunu”, “İnzibati Xətalar Məcəlləsi və Miqrasiya Məcəlləsinə edilmiş son dəyişikliklər”, “Xidmətdə istifadə olunan sistem və proqram təminatlarının funksionallıqları. Vahid Miqrasiya Məlumat Sistemi və Elektron sənəd dövriyyəsi”, “Sərhəd buraxılış məntəqələrində miqrasiya şöbələrinin (bölmələrinin) fəaliyyət istiqamətləri, qarşıya qoyulan vəzifələr”, “Məsuliyyət - vəzifələrə məsuliyyətlə yanaşaraq onların vaxtında və keyfiyyətlə icra edilməsidir”” mövzularında mühazirə və seminarlar təşkil olunub.

Təlim prosesində mövzularla bağlı suallar təlimçilər tərəfindən cavablandırılıb və fəaliyyət istiqamətlərinə dair fikir mübadiləsi aparılıb.

Miqrasiya məsələləri ilə əlaqədar müraciət edən insanların məmnunluğu və istifadəçilərə daha keyfiyyətli xidmət göstərilməsi Dövlət Miqrasiya Xidmətində daim nəzarətdə saxlanılır.