Dövlət Miqrasiya Xidməti Zaqatalada səyyar xidmət təşkil edib

Şəki regional miqrasiya idarəsinin xidməti ərazisi olan Zaqatalada təşkil olunan səyyar xidmətin imkanlarından 27 nəfər istifadə edib. Onlardan 9-na ölkə ərazisində müvəqqəti və daimi yaşamaq üçün icazə vəsiqələri, 10 şəxsə vətəndaşlıq mənsubiyyətinin müəyyən olunması ilə bağlı arayış verilib. 1 nəfərdən isə Azərbaycan Respublikasının vətəndaşlığına mənsubiyyətinin müəyyənləşdirilməsi ilə bağlı sənəd qəbul edilib. Bundan başqa 7 nəfərə vətəndaşlıq mənsubiyyətinin müəyyənləşdirilməsi, müvəqqəti, həmçinin daimi yaşama, o cümlədən iş icazələrinin alınması ilə bağlı müraciət etmək üçün tələb edilən sənədlərin siyahısı təqdim olunub.

Müraciət edənlər səyyar xidmətin təşkilinə görə minnətdarlıqlarını bildiriblər.    

Səyyar xidmətlərin təşkilində məqsəd xidmət istifadəçilərinin məmnunluğunu, vətəndaşların, əcnəbi və vətəndaşlığı olmayan şəxslərin Dövlət  Miqrasiya  Xidmətinə  edilən  bütün növ müraciətlərinin qəbulunun yerində  və  operativ  şəkildə həyata keçirilməsini təmin etməkdir.