Dövlət Miqrasiya Xidməti yanında Miqrant Şurasının yeni seçilmiş üzvlərinin görüşü keçirilib (22.06.2024)

Ölkəmizdə yaşayan miqrantların Azərbaycan Respublikasının miqrasiya idarəçiliyinə daha aktiv cəlb edilməsi, onların hüquq və azadlıqlarının müdafiəsinin səmərəliliyinin, əcnəbilərə və vətəndaşlığı olmayan şəxslərə göstərilən xidmətlərin keyfiyyətinin artırılması, habelə miqrasiya sahəsində qəbul edilmiş qərarların əcnəbilərin gündəlik həyatına təsirinin qiymətləndirilməsi məqsədilə fəaliyyətə başlayan Dövlət Miqrasiya Xidməti yanında Miqrant Şurasının yeni tərkibdə ilk iclası keçirilib.

İclası giriş sözü ilə açan Dövlət Miqrasiya Xidmətinin rəisi, II dərəcəli dövlət miqrasiya xidməti müşaviri Vüsal Hüseynov Miqrant Şurasına seçilmiş üzvləri təbrik edərək bu platformanın yeni tərkibdə də ölkəmizdə yaşayan miqrantların cəmiyyətimizə inteqrasiyasının təmin edilməsinə öz layiqli töhfəsini verəcəyinə inamını ifadə edib.

Xidmət rəisi Miqrant Şurasının ölkəmizdə yaşayan miqrantların Azərbaycan Respublikasının miqrasiya idarəçiliyinə daha aktiv cəlb edilməsi və miqrasiya ilə bağlı məsələlərin həllində ümumcəmiyyət yanaşmasının tamamlanmasında mühüm rol oynadığını bildirib.

Dövlət Miqrasiya Xidməti yanında Miqrant Şurasının üzvləri səmimi qəbula görə məmnunluqlarını ifadə ediblər. Şura üzvləri ilə gələcək perspektivlər müzakirə olunub.