“Çempion ölkələr” təşəbbüsü “Təhlükəsiz, nizamlı və qanuni miqrasiya üzrə Qlobal Pakt”ın  səmərəli icrasını dəstəkləmək, izləmək və nəzərdən keçirmək məqsədilə Birləşmiş Millətlər Təşkilatı tərəfindən yaradılmış və BMT-nin ixtisaslaşmış təsisatlarından ibarət olan BMT-nin Miqrasiya Şəbəkəsinin rəhbərliyi ilə 2020-ci ilin sentyabr ayında təsis edilmişdir. Belə ki, bu təşəbbüsə qoşulan ölkələr Miqrasiya üzrə Qlobal Paktın icrasına dair aparıcı ölkələr hesab olunur, habelə onların öz təcrübələri və fəaliyyətləri ilə digər ölkələrə nümunə olmaları nəzərdə tutulur. Azərbaycan Respublikası “Çempion ölkələr” təşəbbüsünə Cənub-Şərqi Avropa, Şərqi Avropa və Mərkəzi Asiya regionu ölkələri arasında qoşulan ilk ölkə olmuşdur.