Dövlət Miqrasiya Xidmətinin rəisi Firudin Nəbiyev İran İslam Respublikasının ölkəmizdəki səfiri Möhsün Pakayini qəbul etmişdir

24 may 2013-cü il tarixdə Azərbaycan Respublikası Dövlət Miqrasiya Xidmətinin rəisi, III dərəcəli dövlət miqrasiya xidməti müşaviri Firudin Nəbiyev İran İslam Respublikasının ölkəmizdəki fövqəladə və səlahiyyətli səfiri Möhsün Pakayini qəbul etmişdir.

Qonağı səmimi salamlayan Xidmət rəisi miqrasiya sahəsində qanunvericiliyin beynəlxalq normalara və müasir dövrün tələblərinə uyğun təkmilləşdirilməsindən, ölkə ərazisində qanunsuz miqrasiyaya qarşı aparılan mübarizə tədbirlərindən danışmışdır.

Səmimi qəbula görə təşəkkürünü bildirən səfir Möhsün Pakayini görüşdən məmnunluğunu dilə gətirmiş və iki ölkə arasında miqrasiya sahəsində birgə əməkdaşlığın perspektivlərindən bəhs etmişdir.

Görüşdə tərəfləri maraqlandıran məsələlər ətrafında fikir mübadiləsi aparılmışdır.