Regionlarda maarifləndirmə tədbirləri keçirilib

Dövlət Miqrasiya Xidmətinin regional idarələri tərəfindən Ağdam, Göyçay, Şərur, Lənkəran, Cəlilabad və Qubada maarifləndirmə tədbirləri keçirilib.

Tədbirlərdə dövlət qurumlarının nümayəndələri, yerli icra hakimiyyəti və bələdiyyələr, hüquq-mühafizə orqanlarının əməkdaşları, işəgötürənlər, sahibkarlar, həmçinin rayonlarda yaşayan əcnəbilər və vətəndaşlığı olmayan şəxslər iştirak ediblər.

Tədbirlərdə miqrasiya qanunvericiliyinin tələbləri, əcnəbilərin qeydiyyatı, müvəqqəti və daimi yaşama icazələri ilə bağlı prosedurlar, elektron xidmətlər, inzibati məsuliyyət barədə məlumat verilib. Həmçinin Yüksəkixtisaslı Miqrant Portalı, təmin etdiyi güzəşt və imtiyazlar, qiymətləndirmə qaydaları barədə məlumatlar iştirakçıların diqqətinə çatdırılıb.

Tədbirin sonunda iştirakçıları maraqlandıran suallar cavablandırılıb.