“Ulu Öndər – müasir və müstəqil Azərbaycanın memarı” mövzusunda təlim keçirilib

Milli Məclisin deputatı, Azərbaycan Respublikasının Prezidenti yanında Dövlət İdarəçilik Akademiyasının müəllimi, siyasi elmlər üzrə fəlsəfə doktoru, dosent Aydın Mirzəzadə tərəfindən qurumun əməkdaşları ilə “Ulu Öndər – müasir və müstəqil Azərbaycanın memarı” mövzusunda onlayn görüş keçirilib.

Görüşün məqsədi müasir Azərbaycan dövlətinin qurucusu, Ümummilli Lider Heydər Əliyevin zəngin siyasi irsinin, dövlətçilik fəlsəfəsinin və idarəçilik prinsiplərinin daha dərindən iştirakçılara çatdırılması olub.

Tədbirdə çıxış edən Aydın Mirzəzadə Ulu Öndərin Azərbaycanın müstəqilliyinin möhkəmləndirilməsi, dövlət institutlarının formalaşdırılması və ölkənin beynəlxalq nüfuzunun artırılması istiqamətində həyata keçirdiyi fundamental siyasət barədə ətraflı məlumat verib. Qeyd olunub ki, Heydər Əliyevin müəyyən etdiyi strateji inkişaf kursu bu gün də uğurla davam etdirilir və Azərbaycanın dayanıqlı inkişafının əsasını təşkil edir.

  Həmçinin Heydər Əliyevin idarəçilik məharəti çox zəngin təcrübə məktəbi tükənməz bir xəzinə olması illər keçdikcə gələcəkdə hələ çox-çox nəsillər bu təcrübədən bəhrələnməsi  görüş iştirakçılarının diqqətinə çatdırılıb.

  Görüş çərçivəsində iştirakçılarla fikir mübadiləsi aparılıb, mövzu ətrafında suallar cavablandırılıb.