Dövlət Miqrasiya Xidməti yanında Miqrant Şurasının üzvləri ilə görüş keçirilib

Azərbaycan Respublikasının ərazisində uzun müddət yaşayan və mənsub olduğu dövlətin ölkəmizdə olan icmaları ilə sıx təmaslara malik əcnəbilərdən ibarət Miqrant Şurasının növbəti iclası keçirilib.

Görüşdə Azərbaycanda yaşayan miqrantların ölkəmizin miqrasiya idarəçiliyinə daha aktiv cəlb edilməsi, əcnəbilərə və vətəndaşlığı olmayan şəxslərə göstərilən xidmətlərin keyfiyyətinin artırılması, habelə miqrasiya sahəsində qəbul edilmiş qərarların miqrantların gündəlik həyatına təsirinin qiymətləndirilməsi baxımından Miqrant Şurasının fəaliyyətinin əhəmiyyəti qeyd edilib.

Tədbirdə Şura üzvlərinin miqrasiya ilə bağlı müxtəlif məsələlərə dair fikirləri və təklifləri dinlənilib, onları maraqlandıran suallar cavablandırılıb.