Regionlarda maarifləndirmə tədbirləri keçirilib

Dövlət Miqrasiya Xidməti tərəfindən əcnəbilərin və vətəndaşlığı olmayan şəxslərin miqrasiya sahəsində maarifləndirilməsi istiqamətində tədbirlər davam etdirilir.

Bu çərçivədə Naxçıvan, Qobustan və Şamaxıda “Qanunsuz miqrasiyaya qarşı mübarizə tədbirləri və bu sahədə müvafiq orqanlarla qarşılıqlı işin təşkili”, “Azərbaycan Respublikası ərazisində təhsil alan əcnəbi və vətəndaşlığı olmayan şəxslərin miqrasiya proseslərində iştirakı”, “Miqrasiya sahəsində qanunvericiliyin tələblərinin pozulmasına görə məsuliyyət” mövzularında növbəti maarifləndirmə tədbirləri keçirilib.

Tədbirlərdə  əcnəbilərin və vətəndaşlığı olmayan şəxslərin hüquq və vəzifələri, miqrasiya sahəsində sənədləşdirmə qaydaları, elektron və onlayn xidmətlər, qanunsuz miqrasiyaya qarşı mübarizə barədə məlumatlar verilib.

Sonda tədbir iştirakçılarını maraqlandıran suallar qanunvericiliyə müvafiq qaydada cavablandırılıb.