2018-ci il ərzində Dövlət Miqrasiya Xidmətinin 919 Çağrı mərkəzinə 103741 zəng daxil olub.

Onlardan 93224-ü Azərbaycan, 9775-i rus, 742-si isə ingilis dilində cavablandırılıb.

Qəbul edilən zənglərin 6415-i daimi yaşama icazəsi, 19744-ü müvəqqəti yaşama icazəsi, 10843-ü olduğu yer üzrə qeydiyyat, 10670-i vətəndaşlıq məsələləri, 4869-u iş icazələri, 4339-u inzibati xəta, 46861-i isə digər məsələlər ilə əlaqədar olub.

İl ərzində Dövlət Miqrasiya Xidmətinə 1704 zəng sifarişi daxil olub. Daxil olmuş zəng sifarişləri ilə əks əlaqə yaradılıb və qanunvericiliyə müvafiq qaydada suallar cavablandırılıb.