Dövlət Miqrasiya Xidmətinin rəisi Vüsal Hüseynov 110-dan çox əcnəbini və vətəndaşlığı olmayan şəxsi qəbul edib

Dövlət Miqrasiya Xidmətinin rəisi Vüsal Hüseynovun növbəti vətəndaş qəbulu keçirilib. Qəbulda 110-dan çox vətəndaşın, əcnəbinin və ya vətəndaşlığı olmayan şəxsin müraciətinə baxılıb. Qəbula gələnlərin müraciəti əsasən müvəqqəti və daimi yaşama icazələrinin verilməsi, vətəndaşlığa qəbul, vətəndaşlıq mənsubiyyətinin araşdırılması, məhdudiyyətin götürülməsi və işə qəbulla bağlı olub.

Xidmət rəisi Vüsal Hüseynov hər bir müraciəti dinləyib, qaldırılan məsələlərin hərtərəfli öyrənilməsi və qanunvericiliyin tələblərinə uyğun olaraq qısa müddətdə həll edilməsi üçün müvafiq tapşırıqlar verib.
Vətəndaşların müraciətlərinin bir qismi yerindəcə həllini tapıb, qaldırılan bəzi məsələlər isə araşdırılması üçün nəzarətə götürülüb.