İnternet mühitində paylaşdığınız şəxsi məlumatlarınızın yayılmasının qarşısını almaq üçün diqqətli olmağınızı və aşağıdakı tövsiyələrə riayət etməyinizi xahiş edirik:

• Uzun, mürəkkəb və xüsusi simvollardan ibarət güclü şifrələrdən istifadə edin, eyni şifrəni fərqli hesablar üçün istifadə etməyin;
• İstifadəçi adı və şifrələri brauzerdə saxlamayın, şifrələr üçün daha təhlükəsiz şifrə idarəetmə tətbiqlərindən istifadə edin;
• Əməliyyat sistemini, proqramları və tətbiqləri müntəzəm olaraq yeniləyin;
• Kompüter və mobil cihazlarda yalnız lisenziyalı və yenilənmiş antivirus proqramlarını istifadə edin;
• İnternet brauzerlərdə əlavə “plug-in” və “add-on” funksiyalarını yalnız zərurət yarandıqda istifadə edin;
• Kompüter və mobil cihazlara zərərli proqramların yüklənməməsi üçün elektron poçt və sosial şəbəkələr vasitəsilə göndərilən şübhəli linklərə keçid etməyin;
• WI-FI şəbəkəsini güclü, unikal şifrələrlə mühafizə edin və açıq WI-FI şəbəkələrindən istifadə edilərkən kart məlumatlarını və fərdi məlumatları istifadə etməyin.