AZ EN RU
logo Aliyev
Kürdəmirdə maarifləndirmə tədbiri və səyyar xidmət təşkil edilib

Dövlət Miqrasiya Xidmətinin Ağsu regional miqrasiya idarəsi tərəfindən Kürdəmir rayon İcra Hakimiyyətinin inzibati binasında “İnsan alverinə qarşı mübarizə tədbirləri və miqrasiya qanunvericiliyinə edilmiş son dəyişikliklər" mövzusunda hüquqi maarifləndirmə tədbiri keçirilib.

Tədbirdə rayonun kənd inzibati ərazi dairələri üzrə nümayəndələri, bələdiyyə üzvləri, hüquq-mühafizə orqanlarının əməkdaşları, tibb və təhsil işçilərinin, ictimai təşkilatların, sahibkarların, həmçinin əcnəbi və vətəndaşlığı olmayan şəxslər olmaqla, ümumilikdə 88 nəfər iştirak edib.

Mövzu ilə bağlı məruzələr dinlənilib, tədbir iştirakçılarını maraqlandıran suallar qanunamüvafiq qaydada cavablandırılıb. 

Tədbirin sonunda vətəndaş məmnunluğunun təmin olunması məqsədilə 6 nəfərə səyyar xidmət göstərilib. 4 nəfərə Azərbaycan Respublikasının vətəndaşlığına mənsubiyyətinin müəyyən edilməsi, 1 nəfərə ölkədə müvəqqəti yaşama icazəsinin alınması ilə bağlı sənədlərin siyahısı təqdim olunub. 1 nəfərin isə Azərbaycan Respublikasının vətəndaşlığına mənsubiyyətinin müəyyən edilməsi ilə bağlı müraciəti qəbul edilib.

Miqrasiya sahəsində maarifləndirmə tədbirləri davam etdirilir.

Regional miqrasiya idarələri