Slider 1
Dövlət Miqrasiya Xidmətinin məlumatı


Dövlət Miqrasiya Xidməti tərəfindən qanunsuz miqrasiyaya qarşı keçirilmiş tədbirlər nəticəsində ölkədə qeyri-qanuni yaşadıqları aşkar edilmiş və Xidmətin Bakı şəhər Qanunsuz Miqrantların Saxlanılması Mərkəzində yerləşdirlimiş Hindistan vətəndaşlarının saxlanma şəraiti barədə bəzi xəbər saytlarında həqiqətə uyğun olmayan məlumatlar dərc edilmişdir.

Bununla bağlı “Azərtac” informasiya agentliyinin foto, video çəkiliş qrupu və jurnalistləri Bakı şəhər Qanunsuz Miqrantların Saxlanılması Mərkəzinə dəvət edilmişlər. Mətbuat nümayəndələri Mərkəzdə yaradılmış şəraitlə yaxından tanış olmuş, adından məlumat yayılmış Hossain Abdulla ilə görüşmüş və ondan müsahibə götürmüşlər.

Dövlət Miqrasiya Xidməti olaraq bəyan edirik ki, Hindistan vətəndaşları Qanunsuz Miqrantların Saxlanılması Mərkəzində 6 nəfər olmaqla saxlanırlar. Onlar gündə üç dəfə normal qida ilə təmin edilirilər və xidmət personalından hər hansı şikayətləri yoxdur.

Ümumiyyətlə, Qanunsuz Miqrantların Saxlanılması mərkəzlərində yaradılmış şərait beynəlxalq standartlara tam cavab verir və bu mərkəzlərdə əcnəbilərin və vətəndaşlığı olmayan şəxslərin hüquq və azadlıqlarının qorunması üçün bütün zəruri tədbirlər görülmüşdür. Beynəlxalq Miqrasiya Təşkilatının baş direktoru Uliyam Leysi Svinq Azərbaycana səfəri zamanı bu mərkəzlərdə yaradılmış şəraiti çox yüksək qiymətləndirmişdir. 

VİDEO

Digər xəbərlər
Info

Masallıda maarifləndirici tədbirdə elekt..

Info

Dövlət Miqrasiya Xidməti İsmayıllıd..

Info

Göygöldə miqrasiya sahəsində h..

Info

11 nəfər Pakistan İslam Respublikası, 6 ..