AZ EN RU
logo Aliyev

10.12.1953-cü ildə Ermənistanın Vedi rayonunda anadan olmuşdur.

1972-1973-cü illərdə SSRİ Silahlı qüvvələrində hərbi xidmət keçmişdir.

1976-1979-cu illərdə Qaradağ sement zavodunda çilingər işləmişdir.

1979-cu ildə Azərbaycan Mühəndis İnşaat İnstitutunun mühəndis-mexanik fakültəsini bitirmişdir.

1979-1982-ci illərdə Şahbuz rayon Komsomol Komitəsində müxtəlif vəzifələrdə çalışmışdır.

1980-ci ildə Zaqafqaziya Komsomol Məktəbini fərqlənmə diplomu ilə başa vurmuşdur.

1983-cü ildə SSRİ Dövlət Təhlükəsizlik Komitəsi Ali kurslarını bitirmişdir.

1983-2004-cü illərdə Dövlət təhlükəsizlik və milli təhlükəsizlik orqanlarında müxtəlif vəzifələrdə çalışmışdır.

1991-1992-ci illərdə Qarabağ uğrunda aparılan döyüş əməliyyatlarında iştirak etmişdir. Qarabağ müharibəsi veteranıdır.

2004-2008-ci illərdə Azərbaycan Respublikasının Dövlət Sərhəd Xidmətində müxtəlif vəzifələrdə xidmət etmişdir.

Azərbaycan Respublikası Prezidentinin 25 aprel 2008-ci il tarixli 2777 nömrəli Sərəncamı ilə Azərbaycan Respublikası Dövlət Miqrasiya Xidməti rəisinin müavini vəzifəsinə təyin edilmişdir.

Azərbaycan Respublikası Prezidentinin 17 mart 2010-cu il tarixli 814 nömrəli Sərəncamı ilə III dərəcəli dövlət miqrasiya xidməti müşaviri ali xüsusi rütbəsi verilmişdir.

Azərbaycan Respublikası Prezidentinin 2013-cü il 18 mart 2810 nömrəli Sərəncamına əsasən BMT-nin Əməkçi Miqrantlar üzrə Komitəsinin 2013-cü il aprel ayının 15-dən 26-dək Cenevrə şəhərində keçirilən 18-ci sessiyası çərçivəsində “Bütün əməkçi miqrantların və onların ailə üzvlərinin hüquqlarının qorunması haqqında” Beynəlxalq Konvensiya üzrə Azərbaycan Respublikasının ikinci dövri məruzəsinə baxılması ilə əlaqədar Azərbaycan Respublikasını təmsil edən nümayəndə heyətinin rəhbəri təyin olunmuşdur.

Dövlət qarşısında göstərdiyi xidmətlərə görə 3 orden və 20 medalla təltif edilmişdir.

Ailəlidir. Üç övladı, səkkiz nəvəsi var.