Slider 1
Dövlət Miqrasiya Xidməti qanunsuz miqrasiya faktları aşkar edib 


Dövlət Miqrasiya Xidməti tərəfindən qanunsuz miqrasiyaya qarşı keçirilmiş tədbirlər zaman ölkə ərazisində qanunsuz yaşayan 9 nə­fər Hindistan Res­­pub­li­ka­sı, 1 nəfər Banqladeş Xalq Respublikası və 1 nəfər Ni­geriya Federativ Res­­pub­li­ka­sı və­tən­da­şları sax­­­lanılıb.

Araşdırma zamanı məlum olub ki, Hindistan və­tən­daş­ları Marimuthu Suresh, Murugeshan Jayanal, Murugeshan Vignes, Manikandar Mathivazhagan, Elayaraja Radhakrishna, Vallyakalam Sebastian, Puthenpuraparmbu Majeed, Philip Rony, Cherian Sunish ölkəyə “ASAN Viza” sistemi vasitəsilə verilmiş elektron viza ilə gəliblər. Qeyd edilən əcnəbilərin Şri Lanka vətəndaşı Sahul Hameeduge Sanoordeen tərəfindən Azərbaycan Respublikasında müvafiq yaşama icazələrinin alınması vədi ilə aldadılaraq gətirildiyi müəyyən edilib.

Bundan əlavə, adıçəkilən Hindistan vətəndaşlarının və Nigeriya vətəndaşı Akhabue Wilfred Ehikioyanın qeydiyyatsız olaraq yaşadıqları “Sport Baku Hostel”in inzibatçısı Elnur Məm­mə­dov tərəfindən on­lara təhsil pərdəsi al­tın­da müvəqqəti yaşama icazələrinin alın­ma­sı­na dair vədlər verildiyi və həmin şəxs­lə­rin qanunsuz olaraq ölkə ərazisində qalmalarına şərait yaradıldığı məlum ol­ub.

Eyni zamanda “Sport Baku Hostel”də saxlanılmış Banqladeş vətəndaşı 01 avqust 1988-ci il təvəllüdlü MD Shawa Buhiyanın əvvəllər ölkə ərazisindən kənara inizbati qaydada çıxarıldığı, bi­lə­rək­dən pasport məlumatlarını dəyişərək 10 avqust 1988-ci il təvəllüdlü Nur Mohammad kimi Azərbaycan Res­publikasına yenidən daxil olduğu aşkar edilib.

Dövlət Miqrasiya Xidməti tə­rə­fin­­dən qanunsuz miqrasiyaya qarşı mübarizə çər­­çi­və­sində tədbirlər da­vam etdirilir.

 

 

 

Digər xəbərlər
Info

Qobustanda miqrasiya xidməti barədə maar..

Info

2017-ci ilin iyul ayı ərzində Dövlə..

Info

Dövlət Miqrasiya Xidməti tərəfindən..

Info

Dövlət Miqrasiya Xidməti Astara və ..